AZ / EN / RU
BANM ŞAFU universitetinin nümayəndələrini qəbul etdi

         Bakı Ali Neft Məktəbi (BANM) Şimali (Arktik) Federal Universitetinin (ŞAFU) nümayəndələrini qəbul edib. Görüşdə BANM-ın Tədris, elm və beynəlxalq əlaqələr üzrə prorektoru Ramiz Hümbətov, Neft-qaz mühəndisliyi kafedrasının professoru Siyavuş Azakov, ŞAFU-nun Energetika, neft və qaz ali məktəbinin direktoru Pavel Maryandışev, ŞAFU-nun Beynəlxalq əlaqələr şöbəsinin rəhbəri Lyubov Zarubina və Arxangelskdə Azərbaycan diasporasının rəhbəri  Tərlan Qasımov iştirak ediblər.

 

       Ali Məktəbin prorektoru Ramiz Hümbətov qonaqları salamlayıb və BANM-ın fəaliyyəti, onun statistik göstəriciləri, həmçinin Azərbaycanda nefq-qaz sənayesinin tarixi və müasir inkişafı haqda geniş məlumat verib.

 

        Qonaq Pavel Maryandışev BANM-ın rəhbərliyinə qonaqpərvərlik və görüş üçün təşəkkür edib, ŞAFU və Energetika, neft-qaz ali məktəbindən danışıb. Direktor həmçinin ŞAFU-da 16 azərbaycanlı tələbənin təhsil aldığını qeyd edib.

 

         Daha sonra Lyubov Zarubina iki ali təhsil müəssisəi arasında mümkün ola biləcək əməkdaşlıq istiqamətlərindən danışıb, tərəflər bu istiqamətdə müzakirələr apararaq müəyyən nəticələr əldə ediblər.