AZ / EN / RU
BANM-da "Masters of Music: Sound Of Silence" adlı yarış keçirilib

        Bakı Ali Neft Məktəbində (BANM) Brain Master və  BANM İntellektual Oyunlar Klubunun təşkilatçılığı və Ali Məktəbin təşkilatı dəstəyi ilə “Musiqili Xəmsə” formatlı "Masters of Music: Sound Of Silence" adlı yarış keçirilib. Yarışda BANM-dan və digər universitetlərdən olan tələbələr, həmçinin Xəmsə Milli İntellektual Oyununun yaradıcısı və Xəmsə televiziya verilişinin layihə rəhbəri Faiq Hüseynov da iştirak edib.

 

       Artıq  üçüncü ildir ki, Brain Master komandası tərəfindən təşkil edilən intellektual oyunda iştirakçılara Xəmsə formatlı musiqili suallar verilir  və düzgün cavabların sayına əsasən qaliblər müəyyən edilir.

 

     Yarışın sonunda "Royal Flush" komandası 1-ci yer, "The Meme Team" komandası 2-ci yer, "Inferno" komandası 3-cü yer, "Apocalyptica" komandası  isə 4-cü yerdə qərarlaşıblar. Qalib komandalar medal və kuboklarla təltif ediliblər.

 

     Yarış  ərzində ən yaxşı oyun sərgilədiyinə görə isə BANM-ın üçüncü kurs tələbəsi Fidan Quliyeva "Master of Music" nominasiyasına layiq görülüb.