AZ / EN / RU
BANM-da İSO 10002 beynəlxalq standartı uğurla tətbiq edilir

          Bakı Ali Neft Məktəbi (BANM) ISO 10002 “Müştəri məmnuniyyəti – şikayətlərin idarə edilməsi üzrə rəhbər göstərişlər” beynəlxalq standartının növbəti monitorinqini uğurla başa vurub.  Monitorinq Türk Standartları İnstitutunun ölkəmizdəki təmsilçisi Gülhan Yüzereroğlu tərəfindən həyata keçirilib.  “Bakı Ali Neft Məktəbi ISO 10002 beynəlxalq standartını yüksək səviyyədə tətbiq edir, standartın bütün şərtləri planlı şəkildə reallaşdırılır” – deyə o bildirib.

 

          ISO 10002 beynəlxalq standart bütün növ kommersiya və ya qeyri-kommersiya fəaliyyətləri, o cümlədən elektron kommersiya fəaliyyətləri üçün şikayətlərin effektiv və səmərəli şəkildə idarə olunmasının planlaşdırılması və həyata keçirilməsi üzrə göstərişləri müəyyən edir.

 

        Xatırladaq ki, BANM ilk ali təhsil müəssisəsidir ki, ISO 9001 “Keyfiyyət İdarəetmə Sistemi”, ISO 14001 “Ekologiya idarəetmə sistemi”, ISO 10002 “Müştəri məmnuniyyəti – şikayətlərin idarə edilməsi üzrə rəhbər göstərişlər” və OHSAS 18001 “Əməyin mühafizəsi və təhlükəsizlik texnikası idarəetmə sistemi” üzrə beynəlxalq sertifikatlara malikdir. .