Bakı Ali Neft Məktəbinin BP şirkətində yay təcrübə proqramı keçən 14 tələbəsi 2018-ciil TechnoFest yarışmasında iştirak ediblər. Əsas məqsədi yay təcrübəçiləri arasında həvəsləndirici yarışma təşkil etmək olan TechnoFest yarışmasında tələbələr öz proyektlərini izah edən posterlər hazırlayıblar. Daha sonra hər bir tələbə öz layihəsini yarışmada iştirak edən qonaqlara, həmçinin 4 nəfər münsifdən ibarət jüri heyəti qarşısında təqdim ediblər. Bakı Ali Neft Məktəbinin tələbələrindən 5-ci kurs “Kimya mühəndisliyi” ixtisasının tələbəsi Anar Bədəlbəyli "Istehsal olunan suyun təmizlənməsi paketi: Suda neft problemi" layihəsi ilə münsiflər heyətinin qiymətləndirməsi nəticəsində ikinci yerə layiq görülmüşdür.  

           Qeyd edək ki, TechnoFest yarışması BP məzunlarına öz layihə və ideyalarını daha geniş platformada  paylaşmaq imkanı yaradır. Burada iştirak edən bütün komandalar öz işlərinin təhlükəsizlik, biznesə təsir və texniki mükəmməlliyi neçə dəstəklədiyini nümayiş etdirirlər.