AZ / EN / RU
BANM ailəsinin professor Fuad Vəliyevlə Senat zalında görüşü oldu

           Bakı Ali Neft Məktəbinin senat zalında BANM ailəsinin böyük görüşü baş tutdu. Görüşdə rektor Elmar Qasımov Bakı Ali Neft Məktəbinin Neft-qaz mühəndisliyi kafedrasının professoru Fuad Vəliyevi Azərbaycan Respublikası Prezidentinin Sərəncamına əsasən neft sənayesi sahəsində uzunmüddətli səmərəli fəaliyyətlərinə görə “Əməkdar müəllim” fəxri adı ilə təltif olunması münasibətilə kollektiv adından təbrik edib.

 

          Yeni tədris ilinin kampusda həyata keçirilməsinin böyük uğur olduğunu bildirən Elmar Qasımov, bu prosesin arxaında böyük əmək və əziyyətin olduğunu kollektivə bildirib. Bu münasibətlə o BANM-ın İnzaibati təsərrüfat işləri üzrə prorektoru Oktay Rzayevə öz təşəkkürünü bildirib.

 

        Daha sonra BANM-ın hər gün böyüdüyünü və inkişaf etdiyini bildirən rektor 10-dan çox yeni əməkdaşı kollektivə təqdim edib.   

 

        Görüş zamanı həmçinin cari təlim-tədris məsələləri, yeni layihələr və son nailiyyətlər müzakirə olunub.