Bakı Ali Neft Məktəbində 18 oktyabr Dövlət Müstəqillik Günü münasibətilə daxili Futzal və voleybol çempionatı başlayıb. Çempionatda BANM-ın rəhbərliyi, müəllimlər və tələbələr iştirak ediblər.

Açılış mərasimində çıxış edən rektor Elmar Qasımov qeyd edib ki, Ali Məktəbin tələbələri müxtəlif müsabiqə və olimpiadalarda fəal iştirak etdiyi kimi idman yarışlarına da maraq göstərməli və formalaşmalıdırlar. Komandalarla tanış olduqdan sonra onlara uğurlar arzulayan rektor həmçinin,  tez-tez oyunlarda iştirak edərək komandalara azarkeşlik edəcəyini bildirib.

Çempionata Ali Məktəbin 18 futbol və 16 voleybol komandası qatılıb.  Futbol komandasının 8-si Ali Məktəbin 1-ci kurs (“Foundation”) tələbələri, 10-u yuxarı kurs tələbələrindən ibarətdir. Voleybol komandasından isə 6-sı qızlardan ibarət olub.

Çempionatın ilk oyunu AFFA-nın peşəkar hakimləri tərəfindən müşayiət edilib.