AZ / EN / RU
Tələbələrimiz "Kibertəhlükəsizliyə giriş" təlim layihəsində qalib oldu

Azərbaycan Respublikasının Təhsil İnstitutunun reallaşdırdığı “Kibertəhlükəsizliyə giriş” təlim layihəsində iştirak edən Bakı Ali Neft Məktəbinin tələbələrinin finalda təqdim etidiyi layihə birinci yerə layiq görülüb.

 

Tələbəmiz  Vüsalə Ələkbərova  "First Bug Bounty platform for Azerbaijan" layihəsini təqdim edib. Layihə I yerə, layihənin rəhbəri  isə “Ən yaxşı tələbə” adına layiq görülüb.

 

"First Bug Bounty platform for Azerbaijan" layihəsi eyni zamanda 4 layihə arasından “Ən yaxşı layihə” seçilib. Təhsil naziri Emin Əmrullayev və Azərbaycan Respublikası Prezidentinin Administrasiyasının nümayəndələri layihəni yüksək qiymətləndiriblər. 

 

Məlumat üçün bildirək ki, “Kibertəhlükəsizliyə giriş” təlim layihəsinin məqsədi Azərbaycanın müxtəlif ali məktəblərində təhsil alan tələbələrə kibertəhlükəsizlik, kibercinayətkarlıqla mübarizə, müasir taktika, texnika və prosedurlar haqqında nəzəri bilik, eyni zamanda praktiki bacarıqların verilməsindən ibarətdir.

 

Bu təlimlər Təhsil İnstitutu tərəfindən xaricdə dövlət proqramı ilə təhsil alan və orada işləyən iki gəncin mentorluğu, eləcə də yerli və xarici təlimçilərin iştirakı ilə təşkil olunmuş 6 aylıq layihə çərçivəsində reallaşdırılıb.

 

Təlimlərdə kibertəhlükəsizliyin əsas aspektləri ilə yanaşı “Veb tətbiqin təhlükəsizliyi”, “İnfrastruktur təhlükəsizliyi”, “Etik hakerlik”, “Sosial mühəndislik”, “Kriptoqrafiya”, “Zərərli proqramlar”, “Mobil və Simsiz Şəbəkələrin Əsasları” kimi modular üzrə də təlimlər keçirilib.

 

Təlimlərdə Bakı Ali Neft Məktəbinin tələbələri  Vüsalə Ələkbərova, Əli Əsgərli, Camal Muradov, Şəms Gözəlova və Hüseyn Qəmbərov iştirak edib, sertifikatlar əldə ediblər.