AZ / EN / RU
2 tələbəmiz Akademik Xoşbəxt Yusifzadə adına tələbə təqaüdünə layiq görüldü
SOCAR-ın Birinci vitse-prezidenti, akademik Xoşbəxt Yusifzadənin 90 illik yubileyi ilə əlaqədar olaraq Bakı Ali Neft Məktəbi onun adına (SOCAR-ın Şurasının 13 nömrəli, 17 mart 2020-ci il tarixli Qərarına əsaslanaraq) təqaüd təsis etmişdir.
 
Belə ki, hər il BANM-in iki nümunəvi 4-cü və (və ya) 5-ci kurs tələbəsi bu təqaüddən yararlana biləcəklər.
 
İlk dəfə bu təqaüdə BANM-in "Neft-qaz mühəndisliyi" ixtisasının məzun tələbələri Nihad Abbasov və Nadir Namazov layiq görülmüşdür. 
 
2019/2020-ci tədris ilinin yekun göstəricilərinə əsasən, ortalama balı ən yüksək olan və təhsil aldıqları vaxt ərzində həm bacarıq və davranışları, həm də sosial-ictimai fəaliyyətləri ilə nümunəvi tələbə kimi tanınan BANM-in "Neft-qaz mühəndisliyi" ixtisasının 5-ci kurs tələbələri Aytac İsgəndərova və Türkan Əliyeva Akademik Xoşbəxt Yusifzadə adına təsis edilmiş tələbə təqaüdünə layiq görülüb.
 
Təqaüd 2020-ci ilin dekabr ayından etibarən hesablanacaq.