AZ / EN / RU
Dünya Enerji Universitetləri Şəbəkəsinin sədri Elmar Qasımova təşəkkür etdi

Çin Neft Universitetinin (Pekin) prezidenti və Dünya Enerji Universitetləri Şəbəkəsinin (WEUN) Baş Assambleyasının sədri prof. Zhang Laibin Bakı Ali Neft Məktəbinin rektoru Elmar Qasımova təşəkkür məktubu ünvanlayıb.

 

O, Dünya Enerji Universitetləri Şəbəkəsi (WEUN) tərəfindən təşkil olunan 6-cı “İnternet+innovasiya və sahibkarlıq” yarışmasında Bakı Ali Neft Məktəbinin tələbələrinin iştirakının yüksək səviyyədə təşkilinin və onlara göstərilən dəstəyin tələbələrin uğurları üçün həlledici rol oynadığını qeyd edib.

 

Zhang Laibin eyni zamanda, müsabiqədə gümüş və bürünc medal qazanan tələbələri təbrik edirərək, müsabiqə zamanı vaxt fərqinə, kəskin rəqabətə, fizioloji və psixoloji stressə baxmayaraq onların yüksək nəticələr əldə ediyini bildirib.

 

“Tələbələrinizin nailiyyətləri Komitə tərəfindən yüksək qiymətləndirilir, inanıram ki, onların qazandıqları təcrübə əldə edilən mükafatlardan daha zəngindir. Gələn il WEUN-un üzv olan universitetlər üçün bir sıra seminarlar, vebinarlar və tələbə müsabiqələri daxil olmaqla geniş imkanlar yaradılacaq. Sizin Ali Məktəbin də fəal iştirakını səbirsizliklə gözləyirik” - deyə Zhang Laibin qeyd edib.