AZ / EN / RU
Qəbul qaydaları

Bakı Ali Neft Məktəbinə (BANM) qəbul olunmuş abituriyentlərin nəzərinə!

Dövlət İmtahan Mərkəzinin keçirdiyi müsabiqə nəticəsində Ali Məktəbə qəbul olunmuş şəxslərin qeydiyyatı avqust ayının 15-dən 27-nə qədər (şənbə-bazar günləri istisna olmaqla), həftə içi hər gün saat 09:00-dan 18:00-dək Xocalı prospekti, 30 ünvanında (Xətai metrostansiyası ilə üzbəüz) həyata keçiriləcəkdir.

 

Qeydiyyatdan keçmək üçün abituriyentlər aşağıdakı sənədləri qeydiyyat komisiyasına təqdim etməlidirlər:

1) Attestatın əsli;

2) Şəxsiyyət vəsiqəsinin əsli və surəti (4 nüsxə);

3) Tərcümeyi-hal;

4) Çağırış vərəqəsinin (hərbi biletin) əsli və surəti (oğlanlar üçün);

5) Sağlamlıq haqqında arayış (Forma 86);

6) 3x4 ölçüdə 4 ədəd rəngli fotoşəkil;

7) BANM-ə qəbul olduğu haqqında tqdk.gov.az saytından çıxarış; 8. dim.gov.az saytına daxil olmaq üçün iş nömrəsi və kod (şifrə);

9) ödənişli əsaslarla qəbul olunmuş Azərbaycan Respublikasının Qanunvericiliyində nəzərdə tutulmuş imtiyazlı abituriyentlər (məcburi köçkün və s.) üçün imtiyazlı olduğunu təsdiq edən sənədin notarial qaydada təsdiq olunmuş surəti.

Sənədlər qovluğun içərisində qeydiyyat komissiyasına təqdim olunur.

Qeydiyyat müddəti bitdikdən sonra qeydiyyatdan keçmiş hər bir abituriyentlə müəllimlər tərəfindən ingilis dili, kompüter və informasiya-kommunikasiya texnologiyaları bilikləri üzrə müsahibə keçiriləcəkdir. Müsahibənin məqsədi bu fənlər üzrə eyni biliyə malik olan tələbələri bir qrupda cəmləmək və onlar üçün tədrisi təşkil etməkdir.