AZ / EN / RU
MBA - Biznesin İdarə Edilməsi

PROQRAM HAQQINDA

Proqram əsas və seçmə fənnlər əsasında tərtib edilmişdir.

Birinci il, tələbələr idarəetmə sahələri və onlara aid olan analitik bacarıqlar barəsində praktik biliklər əldə edəcəklər.

İkinci il, tələbələr əsas fənnlərlə bərabər seçmə fənnlər götürərək seçilmiş sahədə ixtisaslaşa bilərlər.

Magistr dərəcəsi dissertasiya və ya onun əvəzində, alternativ olaraq əlavə fənnləri seçməklə başa çatır.

Proqram elə dizayn edilmişdir ki, tələbələrə nəzəriyyə və praktika vəhdət formada çatdırılsın. Dərslər mühazirə, tapşırıqlar, qrup layihələri formasında təşkil edilir. Nəzəriyyə mühazirələr zamanı təqdim edilir və tələbələri müxtəlif qərarverici rollarda çıxış etməyə yönləndirən tapşırıqlar vasitəsilə möhkəmləndirilir.

Tapşırıqlar zamanı digər akademik heyət nümayəndələri də müəllimləri dəstəkləmək üçün cəlb edilir.

BANM-DA MBA SIZƏ NƏ VERƏCƏK?

  • Biznes siyasəti üzrə mütəxəssislər tərəfindən hazırlanmış təfərrüatlı kurikulum
  • Tanınmış peşəkarlardan geniş biliklər əldə etmək imkanı
  • Nəzəriyyəni praktikaya çevirən zəngin təhsil təcrübəsi
  • Çevik  fənn seçimləri və dərs qrafiki (yalnız həftətədə 3 gün)
  • Şəxsi və peşəkar biznes əlaqələrinin genişlənirilməsi imkanı
  • Çoxsaylı karyera imkanları

MBA TƏLƏBƏ KARTININ SIZƏ VERƏCƏYI ƏLAVƏ ÜSTÜNLÜKLƏR

  •  Bütün dərs vəsaitlərinin ödənişsiz təminatı
  • BANM-in tələbə yataqxanasında ödənişsiz yaşayış
  • Tələbələr üçün aylıq ödənişsiz idman üzrə üzvlük paketi

TANIŞLIQ SESSIYASI

Bu sessiya yeni qəbul olan tələbələrin MBA səyahətində ilk addımları olacaqdır. Burada əsas məqsəd BANM ailəsinə yeni qoşulan tələbələri universitet, onun geniş kampusu, yaradılan imkanlar və ali məktəbin ümumi qaydaları ilə yaxından tanış etməkdir. Eyni zamanda tələbələr ilk dəfə qrup yoldaşları və akademik heyətlə görüşüb ünsiyyət qurmaq imkanı əldə edəcəklər.

MAGISTR DISSERTASIYASI

Magistr dissertasiyası MBA proqramının çox önəmli kredit verən komponentlərindən biri hesab edilir. Tələbələr MBA-da aldıqları bilikləri öz maraqlarına uyğun sahəni seçərək daha da dərindən araşdıracaqlar. Bu iş onlarda akademik tədqiqat bacarıqlarınn inkişafına xidmət edəcəkdir.

TƏHSIL HAQQI

Bütün tələbələr üçün illik Təhsil haqqı 5000 Azərbaycan Manatı kimi müəyyən edilmişdir.

QEYD: Xarici tələbələr üçün təhsil haqqı dollarla ödənildikdə, ödəniş gününün valyuta dəyişmə məzənnəsinə uyğun hesablanır.