AZ / EN / RU
15-19 aprel 2019-cu il Tələbələrin I Respublika Elmi Konfransları

    Bakı Ali Neft Məktəbində (BANM) Ümummilli lider Heydər Əliyevin anadan olmasının  96-cı ildönümünə həsr olunmuş Tələbələrin I Respublika Elmi Konfransları başa çatmışdır. Tədbirdə BANM-in rəhbərliyi və professor-müəllim heyəti, eləcə də, BANM-in partnyorları olan SOCAR-ın Kompleks Qazma İşləri Tresti, SOCAR Polymer, Huawei, Maire Technimont, ABB, Microsoft, Emerson Process Management və Avandsis Group şirkətlərinin təmsilçiləri qatılmışdılar. Eyni zamanda konfranslarda iştirak etmiş və öz maraqlı prezentasiyaları ilə seçilərək qalib olaraq müəyyən edilmiş tələbə və gənc alimlər də tədbirdə iştirak etmişdilər.

 

           Qonaqları salamlayan BANM-in rektoru Elmar Qasımov Ali Məktəbdə 15 aprel tarixindən etibarən keçirilən konfransların yekunu barədə məlumatları iştirakçılarıların diqqətinə çatdırmışdır. Çoxsaylı bölmələrdən ibarət üç geniş başlıq altında - Kimya və kimya mühəndisliyində perspektivlər, Keyfiyyətli enerji, keyfiyyətli xidmət və Yüksək texnologiyalar- innovativ tətbiqlər mövzuları çərçivəsində təşkil olunmuş konfranslara ölkəmizdə fəaliyyət göstərən ali təhsil müəssisələri və AMEA-nın institutlarını təmsil edən ümumilikdə 177 nəfər tələbə və gənc alimin müraciət etdiyini bildirən rektor hər bölmə üzrə uğurla çıxış etmiş qaliblərin bu gün BANM-in sertifikatları, eləcə də konfransa dəstək vermiş yerli və transmilli şirkətlərin qiymətli hədiyyələri ilə mükafatlandırılacaqlarını bildirmişdir. Hər bir iştirakçıya konfransda fəal iştirak etdikləri üçün təşəkkür edən rektor onlarda elmi-tədqiqtlara marağın bundan sonra daha da artacağından əmin olduğunu vurğulamışdır. Daha sonra 1-ci, 2-ci və 3-cü yerlərin qaliblərinə, həmçinin həvəsləndirici kateqoriya üzrə seçilmiş iştirakçılara sertifikat və hədiyyələr təqdim olunmuşdur.

 

2019-cu ilin 15-16 aprel tarixlərində keçirilmiş Tələbələrin Ümummilli Lider  Heydər Əliyevin anadan olmasının 96-cı ildönümünə həsr olunmuş “Kimya və Kimya mühəndisliyində perspektivlər” adlı I Respublika tələbə elmi konfransının nəticələri

Ümummilli lider Heydər Əliyevin anadan olmasının 96-cı ildönümünün qeyd olunması ilə bağlı Bakı Ali Neft Məktəbində 17-18 aprel 2019-cu il tarixində keçirilmiş " Keyfiyyətli Enerji, Keyfiyyətli Xidmət" mövzulu Tələbələrin I Respublika Elmi

Tezislərin tərtib olunması qaydaları

KONFRANSIN PROQRAMI

Konfransın materialları 

“Yüksək texnologiyalar- innovativ tətbiqlər” mövzulu Tələbələrin I Respublika Elmi Konfransında qalib olan tələbələr